తెలుగు-పలుకు

రెండు రోజులక్రితం ఆస్ట్రేలియా నుండీ శ్రీనివాసుగారు కాల్ చేసి తెలుగు-పలుకు మాసపత్రికను గురించి చెప్పారు. పుస్తకాలు చదవటం మర్చిపోతున్న ఈరోజుల్లో అందునా తెలుగు పత్రికను విదేశాల్లో నడపటం కత్తిమీద సాములాంటిదే. విదేశాల్లో ఉంటున్న తెలుగు కుటుంబాలకి చెందిన చిన్నపిల్లలకి తెలుగు భాషమీద (ఇది నా మాతృభాష అన్న) అభిమానాన్ని, ఆసక్తిని కలిగించటానికి వీరు తెలుగు పత్రికని రూపొందించిన విధానం బాగుంది. విదేశాల్లో ఉన్న తెలుగు పిల్లలకు తెలుగు భాషలో రాయటం, చదవటం మొదలైన విషయాలలో పోటీ పెట్టి గెలిచినవారి ఫొటోలను ఈ పత్రిక ముఖచిత్రంగా ముద్రించటం కొత్త ఆలోచన (ఆర్ధిక బహుమతితోపాటు). తెలుగు భాషకు ఇటువంటి సేవచేస్తున్న శ్రీనివాస్ గారికి వారి బృందానికి హృదయపూర్వక అభినందనలు.