పొంగటి మేలుతలపులు

మిత్రులందరికీ “పొంగల్” శుభాకాంక్షలతో…..
“పొంగల్” శుభాకాంక్షలు అనగానే పొంగల్ తమిళ పదం అని, ఇంగ్లీషు పదంఅని వాదోపవాదాలు, ఏ భాషలో ఐనా ఒక పదం పురుడు పోసుకుని ఆ సమాజంలో ఆ పదం నిలతొక్కుకోటానికి పడేశ్రమ భాషాశాస్త్రవేత్తలకే తెలుస్తుంది. అలాంటి ఎన్నో తెలుగు పదాలు ఈ తెలుగు (అంధకాసుర) సమాజం పురిట్లోనే నిర్ధాక్షిణ్యంగా చంపేసింది. అలాంటి మృతశిసువుల్లో ఈ “పొంగల్” కూడా ఒకటి. కనుమరోజు పితృతర్పణం కోసం ఎదురుచూసే ప్రేతాత్మల్లా ఈ మృత తెలుగు పదాలు బూజుపట్టిన ప్రాచీన తెలుగు కావ్యాలలో ఎవరన్నా మళ్ళీ తమకి పునర్జన్మ ఇవ్వకపోతారా అని ఆశతో ఎదురుచూస్తున్నాయి.

పొంగలి అన్న పదం గురించి ఒక చర్చ (కొలచిన పోస్ట్):

పొంగలి తెలుగు పదమే. సంక్రాంతి అన్న సంస్కృత పదం తెలుగులోకి రాకముందు నుండే తెలుగు నాళ్ళలో పంటచేతికి వచ్చిన తరువాత జరుపుకొనే పెద్ద పండగగా పొంగలి జరుపుకొనేవారు.

తెలుగు కావ్యాలలో కొన్ని ప్రయోగాలు:

పండుగులకు వాల పబ్బంబులకు

బొంగలికిని దేవరకు గొబ్బికిని..

 కొఱఁత పడకుండఁ గుండ లా కుమ్మ రిచ్చు. 

(హంసవింశతి .5.14)

క.

ఈ రీతి నుండ మచ్చిక

దేర న్వలసినవి యెల్లఁ దెప్పించుటకై

వారసతు ల్బొజుఁగులతోఁ

జోరామి యొనర్పఁ బసుల పొంగలి వచ్చెన్

(శుక సప్తతి. 2.562)

(పసులపొంగలి=మకరసంక్రాంతి మఱునాఁడు పశువులను అలంకరించి చేసే ఉత్సవము)

శ్రీరంగమున నాస దీఱంగఁ బొంగళ్లు

భోజనం బొనరింపఁ బొడము దప్పి 

(అనిరుద్ధచరిత్రము 1.41)

పొంగటినెల, పొంగటిపండగ, పొంగటికుండ వంటి ప్రయోగాలు కూడా మనకు ప్రాచీనంగా కనిపిస్తాయి.

ఈ రకంగా ఎన్నో అచ్చ తెలుగుపదాలు సంస్కృత పదాల వెల్లువలో కొట్టుకుపోయాయి.

మీ దేవుళ్ళ పేర్లు చెప్పండి అని ఒక తెలుగు వాడిని, ఒక తమిళం వాడినీ అడగండి. తెలుగు దేవుళ్ళు (తెలుగు దేవుళ్ళ పేర్లను) ఎప్పుడో తెలుగు నేలమీద హత్యగావించబడ్డారు. తెలుగు వారు వాడే దేవుళ్ళ పేర్లన్నీ సంస్కృతం పేర్లే. ఆంధ్ర నామ సంగ్రహం ఆంధ్ర నామ శేషం లాంటి ప్రాచీన నిఘంటువుల్లో మీ అచ్చ తెలుగు పదాలు నిజమైన తెలుగు పండగల పేర్లు, స్వచ్చమైన తెలుగు బంధువాచకాలు కనిపిస్తాయి.

భాష సమాజం సంస్కృతి ఒకదానికి ఒకటి అవినాభావ సంబంధం ఉంటుంది. భాష లేకుండా సమాజం ఉండదు సమాజ అస్తిత్వానికి సంస్కృతి పునాది. మాతృభాషను చంపుకునే సమాజం తన పునాదులల్ని తానే కూల్చుకుని సంకర సంస్కృతితో కడుపునింపుకొటానికి దేశాలు పట్టి పోతుంది (అలగ్జాండర్ ఈజిప్ట్ నాశనానికి వాడింది ఈ సూత్రమే). “జర్మన్” అన్న ఒక్క పేరు చెప్పుకుని ఈ 75+ సంవత్సరాల స్వతంత్ర దేశంలో ఎన్ని గొర్రెల్ని విదేశాలకు (ఎన్ని కోట్ల వ్యాపారం) అమ్మొచ్చో చూసి ఈ జర్మన్ వాళ్ళే ఆశ్చర్యపోయారు.

ఇంతకీ ఈ మృతతెలుగు పదాల పునర్జన్మకి కృషిచేస్తుంది తెలుగు వారు కాదు పాశ్చాత్యులు. సాంకేతికతతో వీటికి మళ్లీ పాణం పోస్తున్నారు.

View this post on Instagram

A post shared by Sree Ganesh Thottempudi (@sganeshhcu)

డేటా పట్టించిన మిత్రుడు

నా ప్రతి క్లాస్ లోనూ రెండు విషయాలు తప్పకుండా చెబుతాను. 1. నీ మాతృమూర్తి నిన్ను ఎలా మోసం చేయదో నీమాతృభాష కూడా నిన్ను మోసం చేయదు నువ్వు మనస్పూర్తిగా ఆరాధిస్తే. 2. నీ వేలి ముద్రలు ఎంత యునిక్ గా ఉంటాయో నీ భాష (రాతరూపంలో గానీ పదజాల రూపంలో) కూడా అంతే యునిక్ దీనితో సమాజానికి ఉపయోగపడే అద్భుతమైన ఉపకరణాలు చేయొచ్చు అని.

నిన్న డేటా క్రాలింగ్ చేస్తూ ఉంటే అనుకోకూండా పోలీసు లంచాల మీద ఆసక్తి కరమైన చర్చ కు చెందిన డేటా దిరికింది. దాంట్లో ఒక వ్యక్తి చేస్తున్న కామెంట్లు అతని కొన్ని ఊతపదాలు చూసి ఎక్కడోతేడా కొడుతోంది అని ఆ ఐడిని ట్రేస్ బ్యాక్ చేసి మొత్తానికి అతన్ని సంప్రదిస్తే ఆంధ్రా పోలీస్ డిపార్ట్ మెంట్లో ఒక సీనియర్ ఆఫీసర్ గా ఉన్న బాల్య మితృడు అని తెలిసింది. కానీ 2020 నుండీ యూనీఫాం లేని పోలీసు ఉద్యోగం చేస్తూ ఉన్నాడని తెలిసింది.

అతనితో మధ్యమధ్యలో చేసిన సంభాషణలో లంచాలు, పోలీసు వ్యవస్తలో ఈ మధ్య ఆంధ్రా పోలీసులు యూట్యూబ్లో చేసే షోవర్కులు ఏదో అద్భుతం జరుగుతోంది అని విళ్ళు ఇచ్చే బిల్డప్ లగురించి మాట్లాడుతూ అతను చెప్పిన కొన్ని విషయాలు.

1. పోలీసులు లంచాలు తీసుకుంటున్నారు అని ఏడ్చే ప్రజలు ఒక్క లంచ గొండి పోలీసునైన పట్టుకుంటానికి ప్రయత్నించారా (వాళ్ళా వాయిస్ రికార్దు వీడియో రికార్డు). కారణం ప్రజల బానిసత్వం భయం.
2. కాళహస్తి సి ఐ పబిల్క్ గా కొడుతుంటే చూస్తూ ఉన్నారుగాని ప్రజలు వెళ్ళి ప్రశ్నించారా?
3. యూట్యూబుల్లో సోషల్ మీడియాలో షోవర్క్ ఇచ్చే ఐపిఎస్ లని మీరు సూపర్ సర్ మీరు డి ఐ జి అవ్వలి సార్ అని కామెంట్లు పెట్టే భట్రాజులే గానీ సార్ మా ఊళ్లో ఈ అన్యాయం జరుగుతోంది దీని మీద చర్యలు తీసుకోండి అని కామెంట్లు పెట్టి దాని మీద ఆ ఐ పి ఎస్ చర్యలు తీసుకునేదాకా పోస్టులు పెట్టే చదువుకున్న ఒక్క దైర్యవంటుడైనా ఉన్నాడా?
4. మా మాటల మధ్యలో మా రేపల్లె రైల్వే స్టేషన్లో జరిగిన రేప్ సంఘటన చర్చకి వచ్చింది. రేపల్లెలో ఉంది ఒకే ఒక రైల్వే స్టేషన్ ఫ్లాట్ పాం రేప్ జరిగిన స్థలానికి 100 మీటర్ల దూరంలో అదే ప్లాట్ ఫాం మీద పోలీస్ స్టేషన్ ఉంది. 100 మీటర్ల దూరంలో రేప్ జరుగుతుంటే పోలీస్ స్స్టేషన్లో ఉన్న రైల్వే పోలీసులు ఏంచేస్తున్నారు (వీరు రైల్వే పోలీసులు బయట పనులు కూడా ఉండవు). మరుసటి రోజు అదే ఫ్లాట్ ఫాం మీద బాపట్ల ఎస్పీ ప్రెస్ మీట్ పెడితే ఒక ఐ పి ఎస్ రైల్వే పోలీసుల గురించి కనీసం ప్రస్తా వించలేదు గంగిరెద్దు మీడియా తలాడించుకుంటూ చెప్పింది రాసుకుందికా నీ ఒక్కడైనా రైల్వే పోలీసులు ఏమయ్యారు అని ప్రశ్నించారా? రేప్ జరుగుతుంటే బాధితురాలి భర్త మొదట రైల్వే పోలీసు స్టేషన్ కి వెళ్ళి తలుపులు కొట్టాను ఎవరూ లేరు అక్కడ అని చెప్పిన వీడియో టేపులు సోషల్ మీడియా నుండీ తర్వాత కాలంలో ఎందుకు డిలీట్ అయ్యాయి? వీటిని ఎవరు ప్రశ్నించాలి? భయంతో, నాకెందుకులే అని అనుకే ప్రజలకి నిజాయితీ సేసేవలు మాకు కావాలి అని అడిగే హక్కు ఉంటదా?
5. షుమారు 20 ఏళ్ళ తన సర్వీసులో ప్రస్తుత ఆంధ్రాలో అతను చెప్పింది 2 ఐ పి ఎస్ లు తప్ప అందరూ సప్త వ్యసన బానిసలై సోషల్ మీడియాలో ఏదో అద్బుతం చేస్తున్నాం అని ఈ గంగిరెద్దు జాతికి షోవర్క్ ఇచ్చేవాళ్ళే. అతను నన్ను అడిగిన ప్రశ్న … తను నిజాయితీ పరుడు అని చెప్పిన 2 ఆంధ్రా ఐ పి ఎస్ లూ ఈ పోలీసుల బిల్డప్ సోషల్ మీడియా చానల్స్ లో ఎందుకు లేరు? (ప్రస్తుతం ఆ ఇద్దరు ఐ పి ఎస్ లూ సెంటర్ సర్వీసులకి వెళ్ళీ పోయారు) .అసలు వీళ్ళ పేర్లు చెబితే ఎంతమంది గుర్తుపడతారు?
6. లంచాలు తీసుకుంటూ కానిస్టేబుళ్ళు ఎస్సైలే ఎ సి బి కి ఎందుకు చిక్కుతారు. నెల నెలా పైకి పంపకపేతే తననే కొత్తలో సి ఐ ఎలా తిట్టేవాడో చెబుతుంటే ఆశ్చర్యం వేసింది. అనుకోకుండా అదే రోజు సాయంత్రం లంచం తీసుకుంటూ తన మిత్రుడు సి బి ఐకి దొరికాడు కానీ వెనకున్న పై అధికారులు తప్పించుకున్నారు అని మెసేజ్ పెట్టి 2020 నుండీ తను యూనిఫాం లేని డిపార్ట్ మెంట్ కి ఎందుకొచ్చిందీ చెప్ఫాడు.

ఒక ఉన్నతమైన ఆఫీసర్ తను ట్రాన్స్ఫర్ ఐనా తన కింది స్థాయి వాళ్ళని తన నిజాయితీ నిబద్ధతో వాళ్ళ ని ఎలా ప్రభావితం చేస్తారో ఇతను పెట్టిన ఈ కింది ఒక్క మాట నిరూపిస్తుంది.

నా ఉద్దేశంలో ఆంధ్రా పోలీసులకన్నా తెలంగాణా పోలీసులు నిజాయితీ, నీతి, నిబద్ధతల్లో చాలా చాలా నయ్యం. ఆంధ్రాలో ఉన్నట్లు షో వర్క్ తెలంగాణాలో లేదు.

నోరు తెరిచి ప్రశ్నించని స్వార్ధ పరులకి, మేకప్ బిల్డప్ బ్యాచ్ లకి చివరికి మిగిలేది ప్యాకప్ (తట్టా బుట్టా సర్ధుకుని కడుపు చేత పట్టుకుని పక్క రాష్ట్రాలకి వలస పోవటమే)